Blockchain

A Blockchain (boar. Blockkeedn, genaua Datnblockkeedn) is a dezentrale Datnbank, de wo duach a kryptographische Vakeedung vo Transaktionsdatnsätz, Blocks gnennt, gsichad is. Jeda Datnblock hod an Zeidstempe und an Link zua an voarign Block. De Datnbank wead so chronologisch linear ausbaut, so wia a Keedn, wo am untan End imma neiche Glieda dozuakema (desweng "Blockchain" = "Blockkeedn"). A Blockchain wead in da Regl vo an peer-to-peer Netzweak betriem, des wo duach a Netzprotokoi kollektiv neiche Blocks im Konsens validian losst.

Blockchains san de technische Grundlog fia Kryptoweahrunga wia Bitcoin. Ohne Blockchain gabats koane Bitcoins. Se kina owa aa ois dezentrais System zua Vabessarung vo da Transaktionssichaheid vo zentrain Systemen gnuzzd wean.